• ХАЯГ : АШҮ-ийн хашаа, Үслэг эдлэлийн “Сор” компанийн урд “Пирамид индастри”ХХК-ийн байр
  • 11-341934 99082121 94112121
Менежертэй холбоо барих
Танилцуулга
Манай компани нь 1996 онд Монголын анхны хөөсөнцөр хавтангийн үйлдвэрийг ашиглатанд оруулж байсан бол 2012 онд мөн л Монголын анхны чулуут өнгөлгөөний материалын үйлдвэрийг ашиглалтанд оруулсан барилгын материалын үйлдвэрлэлийн салбарт тогтвортой үйл ажиллагаа явуулж буй ууган компаниудын нэг юм.       МОНГОЛЫН АНХНЫ ХӨӨСӨНЦӨР ХАВТАНГИЙН ҮЙЛДВЭРИЙН ТАНИЛЦУУЛГА     Манай компани нь 1996 онд барилгын материалын үйлдвэрлэл эрхлэх зорилгоор байгууллагдсан. Монголд хамгийн анхны ESP дулаалгын хөөсөнцөр хавтангийн үйлдвэрийг ашиглалтанд оруулан өнөөг хүртэл төрөл бүрийн шахалттай, галд тэсвэртэй, хатуулаг хөөсөнцөр хавтанг технологи болон чанарын өндөр түвшинд үйлдвэрлэн дотоодын хэрэгцээнд нийлүүлж байна.      Манай хамт олон 1998 онд Барилга Архитектур корпорацитай хамтран Монгол Улсын хөөсөнцөр хавтангийн MNS 4629-98 дугаартай анхны стандартыг боловсруулсан бөгөөд одоогоор Монгол улсын хэмжээнд мөрдөгдөж байгаа MNS ISO 13163:2011 стандартыг даган мөрдөж байна.     Бид барилгын материалын "Оны шилдэг бүтээгдэхүүн" , "Хэрэглэгчдэд итгэмжлэгдсэн шилдэг хамт олон" , BARILGA EXPO - 2009 үзэсгэлэнгээс "Шилдэг үйлдвэрлэгч" , 2009 онд "Монголд танигдсан стандарт хэвшүүлэх тэргүүний байгууллага" , 2010 онд "Үндэсний шилдэг үйлдвэр" , 2011 онд ЗТБХБЯ-ны "Шилдэг барилгын материал үйлдвэрлэгч"- ээр тус тус шалгарч байсан. Мөн "Барилгын холбоо" , "Барилгын материал үйлдвэрлэгчдийн холбоо"-ны гишүүн байгууллага бөгөөд тус салбартаа анхны тохирлын гэрчилгээтэй, ЗТБХБЯ-ны барилгын бүтэц, эдлэлийн тусгай зөвшөөрөлтэй байгууллага юм.      2011 онд үйлдвэрлэлийн хүчин чадлыг нэмэгдүүлж, орчин үеийн дэвшилтэт тоног төхөөрөмжийг суурилуулсанаар жилд 60000м3 дулаалгын ESP хөөсөнцөр хавтан үйлдвэрлэх хүчин чадалтайгаар ажиллаж байна. Мөн 2013 оноос хамгийн сүүлийн үеийн дэвшилтэт технологийн дагуу галын шаталтыг дэмждэггүй тусгай нэмэлт бодистой хар, саарал өнгийн дулаалгын полистрол хавтанг үйлдвэрлэж байна. МОНГОЛЫН АНХНЫ ЧУЛУУТ ӨНГӨЛГӨӨНИЙ МАТЕРИАЛЫН ҮЙЛДВЭРИЙН ТАНИЛЦУУЛГА             “Пирамид Индастри” ХХК нь өөрийн компанийн дэргэд барилгын фасадны материал үйлдвэрлэх зорилготойгоор “Пирамид Импекс” ХХК-ийг 2012 онд байгуулж, Солонгосын барилгын материалын тэргүүлэгч үйлдвэр болох DAEBO HOUSING koмпанийн албан ёсны патентын эрхтэйгээр, тус компанийн технологи, тоног төхөөрөмжөөр тоноглогдсон Монголын анхны чулуут өнгөлгөөний материалын үйлдвэрийг ашиглалтанд оруулан зах зээлд бүтээгдэхүүнээ нийлүүлж байна.             DAEBO HOUSING компани нь барилгын гадна дотно гоёлын бүх төрлийн метариал үйлдвэрлэдэг, Америк, Япон, Орос, Канад зэрэг дэлхийн 20 гаруй улсад бүтээгдэхүүнээ экспортолдог ба БНХАУ, ОХУ, Монгол зэрэг орнуудад салбар үйлдвэртэй, Солонгосын барилгын материал үйлдвэрлэлийн тэргүүлэгч компани юм.              Тус компанийн чулуут өнгөлгөөний материалын үйлдвэр нь бүх төрлийн чулуут өнгөлгөөний материалыг хэрэглэгчийн хүссэн өнгөөр үйлдвэрлэхээс гадна Монголын эрс тэрс цаг уурт зохицуулан хавар намрын сэрүүн нөхцөлд ч барилгын ажлын чанарт нөлөөлөхгүйгээр тусгай нэмэлттэйгээр үйлдвэрлэх боломжтойгоороо онцлог юм.             Орчин үеийн дэвшилтэд технологид тулгуурласан Монголын анхны чулуут өнгөлгөөний материалын үйлдвэр нь ашиглалтанд орсноор эх орны бүтээн байгуулалтын ажлуудыг үндэсний үйлдвэрийн барилгын материалаар хангаад зогсохгүй, энэ төрлийн бүтээгдэхүүний импортыг орлох, үнийг тогтвортой барих, нийлүүлэлтийн тасалдал үүсгэхгүй байх бололцоо олгож байгаагаараа ач холбогдолтой юм.             “Пирамид Импекс” компани нь чулуут өнгөлгөөний материалын үйлдвэрэлээс гадна хөөсөнцөр хавтан, барилгын гадна фасадны материал суурилуулж, тогтоох бэхлэх зориулалттай төрөл бүрийн сайн чанарын хадаас, тор, шавар, цавуу, бэхлэгч тогтоогч зэрэг бүтээгдэхүүнийг Солонгос, Хятад зэрэг улсаас импортлон худалдаалж байна. ЭРХЭМ ЗОРИЛГО:       Хэрэглэгчдэд чанартай бүтээгдэхүүн, шуурхай үйлчилгээ үзүүлж, харилцагчдынхаа итгэлийг даасан, орчин үеийн шилдэг техник, технологи нэвтрүүлэгт, нийгмийн өгөөжөөрөө ямагт тэргүүлэгч үндэсний компани байхад оршино. КОМПАНИЙН ҮНЭТ ЗҮЙЛС:
  • Бусдаас хол давсан чанар
  • Чадварлаг, хариуцлагатай, гар нийлсэн хамт олон
  • Олон жилийн туршлага
  • Харилцагчдын сэтгэл ханамж
  • Үндэсний хөгжил
Дэлгэрэнгүй